Hasiera Aralarko San Migel Santutegia


 

Mendez mende lapurreta franko nozitu du imajina honek. 1620an, Leitzatar Migel santutegiko abade zela, ostutzera sartu ziren, baina lapurreta deusetan gelditu zen, lapurrak mirariz mugitu ezinik geratu baitziren. 1687an Gonzaleztar Manuel eta Jauregitar Juan izan ziren imajina hartu zutenak, zilarreztatu gabe zegoen beraren burua santutegitik gertu botaz. 1797an hirugarren lapurreta bat gertatu zen.
 

San Migelen irudia Iruñan
San Migelen irudia Iruñan
San Migel eta Goñiko Teodosio. Aragonesen irudia. XVIII. mendekoa
San Migel eta Goñiko Teodosio. Aragonesen irudia. XVIII. mendekoa
 

1756ko apirilaren 23an, Irigoientar Juan Lorenzo doktorearen agindupean eta lekukoen aitzinean, imajinaren berritze sakona burutu zen. Zilar urreztatuzko jantzia aldatu zitzaion erabat, baita zuraje berria sartu ere hegal, beso eta gurutzean, antzinako irudiari zati horiek falta zitzaiozkiola uste izanik. Aldi berean txertatu zitzaion buru gaineko gurutzean, barruan Lignum Crucis-en puska bat zeraman beste zilarrezko gurutzetxo bat, ordurarte San Migeleko aldare nagusian egon ohi zena bera.